طبعا الكيكه من الحلويات اللى مفيش بيت يقدر يستغنى عنها
ده طبعا عشان سهل اننا نحضرها وكمان مش بتاخد وقت واحنا
بنعملها زىاى نوع حلويات تانيه وكمان حاجه اساسيه على الفطار
والعشا وعشان احضرها بجيب كوبيتين ونص دقيق واربع بيضات
وكوبايه لبن وتلات تربع كوبايه زيت وكوبايه ونص سكر وملعقه بكنج
بودر وبعدها اخد البيض واحطه فى الخلاط واضربه وبعدها احط الزيت
والسكر واللبن واضربهم مره تانيه بعدها احط الدقيق والبكنج بودر عليهم
بردوا واضربهم لاخر مره واسيب العجين كله دقيقتين وبعدها اجيب صنيه
وادهنها بزبده او زيت او رشه دقيق واحط العجين فى الصنيه اسخن الفرن
قبلها بربع ساعه قبل ما احط الصنيه واسيبها نص ساعه ومافتحش عليها
لغايه ماتستوى وعشان اتاكد انها استوت ولا لا احط سكينه فيها لو ملقيتش
اى عجين على السكينه كده بتكون استوت لو لقيت اسيبها شويه
طريقة اعداد الكيك
تكات لعمل احلى كيكه
طرق اعداد الكيك
