طبعا كلنا عارفين ان العجين مانقدرش نستغنى عنه عشان من
غيره مش هنعرف نعمل حاجات كتيرمنها مش هنقدر نعمل البيتزا
ولا النواشف والفطاير والكيك والبسكوت والفايش والبسبوسه وكل
الحلويات التانيه وعشان كده لازم نتعلم نعمل العجين والعجين ملعوش
طريقه واحده لا دى بتختلف على حسب دى هتكون عجينه حتى طريقه
عمل عجينه البسكوت غير عجينه البيتزا غير الكيكه غير الفايش عير
الفطاير بكل انواعها وعشان نعمل عجينه الفطاير نجيب طبق نحط فيه
كوبايه لبن وكوبايتين مايه ومعلقتين خميره ونسيبها تتخمر وبعد ماتتخمر
نحط نص كوبايه زيت ومعلقتين سكر ومعلقه بكنج باودر واضربهم واخلطهم
كلهم مع بعض و بعدها نفضل نحط دقيق لغايه تبقى العجين ماسكه نفسها
وكده هتكون العجينه جاهزه اننا نعمل فطيره اما عشان نعمل عجينه البيتزا
نجيب اربع كوبايات دقيق ومعلقه سكر ومعلقه خميره ونقلبهم مع بعض وبعدها
نحط كوبايه ونص لبن وربع كوبايه زيت ونخلطهم كلهم مع بعض ونسيب العجينه
حوالى ساعه عشان تتخمر وكده هتكون العجينه هتكون جاهزة اننا نعمل بيها
بيتزا وبالهنا والشفا
كيف نصنع العجين
شرح عجين البيتزا والفطائر
كيف نصنع العجينه
