مفيش حد مننا مبيتجرحش او بيتعور وهو شغال او حتى ماشى فى الشارع فذلك القدر
وامر بسيط مهما ان كان وجع الجرح فى النهاية بيتلم وبيروح ومع الوقت بيخف واثره
بيروح
ولكن جرح القلب وجرح المشاعر بيعتبر جرح كل منطقة فى الجسم بيخليك عندك صداع
مزمن من كتر التفكير وانك ازاى اتجرحت وان ازاى الشخص دا عمل معاك كدا بالرغم
انك
مكنتش شاكك فى كدا ولو بنسبة 1% وبتفضل تفتكر حياتكوا كانت عاملة ازاى مع بعض
وحتى لما بتفكر تطلع من الجو اللى انت عايش فيه وتتفادى التفكير وبتنزل الشارع او
تروح اى مكان بتلاقى فجاة رجليك بتروح للاماكن اللى كنتوا بتروحوها مع بعض ولو حتى
مروحتش وبتيجى صدفة وبالتالى بردو مبتعرفش تهرب من التفكير وحتى مع انشغال
الحياة مهما ان كانت كتيرة بردو بتلاقى دايما اللى يفكرك وبتفضل مجروح واحساس
الجرح بمثابة سكاكين بتقطع فى جسمك كله وبتكون كاره الحياة وما فيها
جرح المشاعر اشد من جرح الجسم ,كلام من صميم القلب المجروح
كلمة من صميم القلوب المجروحة
