البيتزا من الاكلات السهله اللى بتتعمل بسرعه اللي كمان بيحبها
كل الصغيرين قبل الكبار عشان هى طعمها حلو وكمان بتتعمل من
حاجات كتير وده بيديها شكل كده والوان بتعجب الاطفال وكمان صحية
اكتر وبتكون احسن من بتاعت بره وكل اللى محتاجينه عشاننعملها فى
البيت اول حاجه نعمل العجينه و العجينة دي لصنية واحدة اول حاجة
كوباية ونص دقيق ومعلقة خميرة كبيرة وربع كوباية مياة دافية للعجينه
وحبه ملح وحبه سكر وحبه توم وبصل بودره و٣ معالق زيت كبار و هتحطي
الدقيق والملح والتوم والبصل البودرة مع بعض وتقلبيهم وتجيبي كوباية
و حطي فيها المياة والخميرة استخدمي خميرة فورية عادي والسكر وقلبيهم
وانزلي بيهم علي الدقيق وقلبي ولمي لحد متبقي عجينة لو لقتيها بتلزق
حطي شوية دقيق لو لقتيها لسة ملمتش وناشفة زودي شوية مياة وافضلي
اعجني من خمس لعشر دقايق وسبيها تخمر من نص ساعة لساعة وحضري
الصلصة هتجيبي طماطميتين ابشريهم وحطيهم بشوية زيت على النار وعليهم
معلقة كبيرة كاتشب وملح وفلفل اسود وتوم وبصل بودرة وسبيهم على النار
ياخدو غلوة وشليها ولما العجينة تخمر افرديها في صنية مدهونة زيت وحطي
الصلصة وحطي الحشوة الي عايزاها بقي فراخ مقطعة لحمة او فراخ الي يعجبك
وممكن تعمليها بالخضار بس فلفل الوان وطماطم وبصل وضيفي اي حاجة تعجبك
وحطي جبن بقي رومي شيدر موتزاريلا ودخليها الفرن لحد متحمر وطلعيها قطعيها و بالهنا
طريقة سهلة عمل البيتزا في 5 دقائق
اسرع بيتزا لاطفالك
طرق سهلة عمايل البيتزا في 5 دقائق
